سالانہ اردو پاکٹ ڈائرکٹری ’’ سبیل جنتری ‘‘ آپ کی اضافی و انوکھی خدمت ہے نیز ’’حج و عمرہ گائیڈ کلینڈ ‘‘اور ’’التبلیغ کلینڈر‘‘ آپ کے ذوقِ جمیل کا عکس ہیں ۔ آپ ایک کامیاب مصنف ہونے کے ساتھ ساتھ شیریں و شگفتہ بیاں مقرر بھی ہیں ، آپ کے خطابات و بیانات سے زمانہ مستفیض ہورہا ہے ، حج و عمرہ پر آپ کا تربیتی خطاب حجاج کرام کے لئے نہایت مفید و رہنما ثابت ہوتا ہے ، آپ کی صلاۃِ تراویح و درسِ قرآن کے بیشمار شیدائی ہیں ، زبانِ عربی اور صرف و نحو پر آپ کو خاص عبور حاصل ہے ،آپ نے کبار علماء دین سے اکتسابِ فیض کیا ہے ، آپ حکیم الملت مفتی محمد اشرف علی صاحب باقویؒ فاضل دیوبند امیر شریعت کرناٹک اور شیخ الحدیث مہتمم دارالعلوم سبیل الرشاد بنگلور کے تلمیذ خاص رہے ۔